Neguri Gorriak

Neguri Gorriak, gurea da garaipena!

2009-10-23T11:15:00.002+02:00

Garak gaur, urriak 23, publikatutako artikulua.
Eskerrik asko Kojo!

GUREA DA GARAIPENA!

2009-10-21T01:46:00.005+02:00

AZKEN KONTZERTUA.
Asteburu honetan gure azken kontzertuak emango ditugu:

Urriak 23 Hendayako Kanttu Ostatuan

Urriak 24 Anoetako Gaztetxean AZKEN JAIA!!!
Eguerdian herri bazkaria Anoetan.
18:00etan ORKRESTA taldearekin elektropoteoa
22:00etan KONTZERTUA!!!
ARITZ SOUND SYSTEM & lagunak
BANDA BATXOKI
NEGURI GORRIAK
5 euroren truke.

GUREA DA GARAIPENA.
Esaldi honekin hasiera eman genion gure birari Bilboko 7katu gaztetxean eta esaldi berarekin amaiera eman nahi diogu taldeari. Eta, gurea esaten dugunean, bere zentzu zabalenean ulertu behar duzue: zuek , guk, herri honek...garaipena lortzen ari delako.
Pixkanaka, pausoz pauso eta bidean asko galtzen dugularik, Euskal Herri askeago baten alde borrokan jarraitzen dugu, amesten dugun herri hori gero eta gertuago daukagularik. Baina lana ez da bukatu. Oraindik gutako bakoitzak, bere esparruan, asko egiteke daukagu. Guk, geure esparrutik, musikaren esparrutik, gure ekarpena egin dugu hainbeste maite dugun NEGU GORRIAK taldearen musika, hitzak eta bere jarrera berriz ere taularatuz, zoritxarrez Neguren garaiko erreibindakazio asko eta asko, gaur egun ere, euskal gizarteak, bere egiten dituelako. Orain, taldekide bakoitzak bere bidea egingo du beste talde batzuetan, orain arte izandako jarrerari eutsiz.

Eskerrak eman nahi dizkiegu bira honetan zuen ateak zabaldu dizkiguzuen areto, gaztetxe eta antolatzaile guztiei. Bide batez, kontzertuetan, gurekin batera gozatu duzuen entzule guztiei ere, eskerrak hor egoteagatik, gurekin jo duten talde guztiei, teknikariei, lagunei...besarkada bat.
Esker berezia gurekin eskenatokian talde haundi bat izaten lagundu diguzuen antzezle, zankuda, dantzari, bertsolari, rapero, grafitero, argazkilari, bideogile, parrandazale, gidari,...guztiei!!!
La ostia zarete!!!
Beñat Barrondoren ongi etorrian egon ginen, baina badakigu oraindik asko eta asko falta zaizkigula etxean, herrian, tabernan, taldean...eta ekarriko ditugu. Guztion indarraz lortuko dugu! EUSKAL PRESOAK, ETXERA!!!

Plazerra izan da urte luze honetan bizi izan ditugunak bizitzea.
Eskenatokietan ikusiko gara, fijo!

BERTAN BEHERA!!!

2009-09-19T13:52:00.002+02:00

Bihar BATEGIN EGUNA ospatzeko eman behar genuen kontzertua, bertan behera geratzen da. Eguraldia dela eta, azkenean jaialdia Lakuntzan egingo da, eta lekua dela eta ordutegi murrizketa ere egongo danez, karteletik kanpo geratu gara.
Asko sentitzen dugu, baina animatzen zaituztegu makroepaiketen aurkako jaialdia honetara gerturatzea, prozesatuei zuen sostengua adierazteko.

Gurea da Garaipena!!!

Makrosumario guztien gainetik, gurea da garaipena!

2009-09-17T13:53:00.004+02:00

«Eskubide zibil eta politikoen alde modu umoretsuan eta duinean biltzeko» deia egin du Udalbiltzaren aurkako auzian auzipetuta dagoen Maribi Ugarteburuk, oinarri politiko soila duten auzietan auzipetuta daudenen izenean.

«Euskal herritar guztien eskubide zibil eta politikoak aldarrikatu, eta, elkartuta, indarrak biltzeko» deia. Hilaren 20a jarri dute horretarako eguna, Nafarroan, Altsasu eta Urdiain batzen dituen San Pedro zelaietan(Eguraldi txarra egin ezkero Lakuntzan) . Bertan egingo dute, hirugarrenez, eskubide zibil eta politikoen aldeko Bat Egin Eguna.

Neguri Gorriak taldetik, gure elkartasuna helarazteko, eta itsaso haundi honetan gure tantatxoa jartxeko asmoaz, han egongo gara arratsalde partean.

NG MENDEXAN!!!

2009-08-01T16:24:00.002+02:00

Gaur kostaldera goaz. Mendexa herrian arituko gara 23:00etatik aurrera, Lor eta Triki ta Ke taldeekin batera. Bira bukatzen dago. Bi kontzertu besterik ez zaizkigu geratzen. Laister jakingo duzue bi kontzertu hauei buruzko informazio gehiago.
Adi egon seinaleari!

Zapi gorriak zerua du estaltzen!

2009-07-07T23:31:00.007+02:00

Neguri Gorriak SANFERMINETAN izango da hilaren 8an, asteazkena, Herriko Tabernak eta Arrano Elkarteak antolatutako egitarauaren barruan.

Bestalde, esan behar dizuegu Neguri Gorriak taldearen bira amaitzear dagoela!!! Uda patxadaz hartuko dugu, deskantsatu eta bakoitzak bere proiektu propioetan lanean jarraituko dugu.
Hala ere, adi egon seinaleari, noizbait, nonbaiten, despedida berezia egingo dugulako.
Eskerrik asko kontzertuetara gerturatu zareten guztiei.

Gora San Fermin!!! (muguruza???)

Kantatzen duen herria, ez da inoiz hilko!

2009-06-18T15:21:00.002+02:00

Kaixo lagunok!!! Aspaldi gure gunetxo hau berriztu barik, eta Azpilagañako Jaietan aritu ginelaz informatzea ere ahaztu zitzaigula. Baina beno, berri oso onekin gatoz. Asteburu honetan Lakuntzako herrian ospatzen den Preso Politikoen aldeko HATORTXU ROCK jaialdian arituko gara.

Oraingo honetan talde osoa taularatuko dugu: Julen, Itziar eta Jon Ander haize sekzioan, Olatz bertsotan. Igon Trikian, gure Brigadistak, eta zenbait gonbidatu berezi. Garazi Irazabal, gure koristetako batek, azterketak direla eta ezin izango da gurekin egon.

Gure kontzertua UTSAIA gunean izangoda Larunbat gauean, 04:00etan.

Zuek guztiak gonbidatzen zaituztegu euskal preso politikoen aldeko jaialdi erraldoi honetan parte hartzera. Bertan ikusiko gara!!!

HATOR HATOR NESKA TA MUTIL ETXERA!!!

HERRI URRATS

2009-05-08T12:09:00.004+02:00

Asteburu honetan, maiatzaren 10ean, igandea, Senperen arituko gara, Herri Urrats, Ipar Euskal Herriko ikastolen jaialdian. Senpereko aintziraren inguruan kokatzen diren herrialde bakoitzeko guneetan, era guztietako ekitaldiak, kontzertuak, jokuak,...egongo dira. Txikiek, nagusiek eta gazteek egunaz gozatu ahal izateko, egitarau oparoa osatu dute antolatzaileek.
Gure partez eguerdiko 13:00etan arituko gara NAFARROA gunean. Bertan ikusiko dugu elkar!

OLABEAGAKO GAZTE EGUNA

2009-05-08T11:54:00.004+02:00

Pasa den astean, maiatzaren 2an, Olabeagako Gazte Egunean parte hartu genuen. Egun osoan zehar, ekitaldia anitza eta partehartzailea antolatuta zegoen. Etxean bezala egon ginen. Lagunarteko eguna izan zen. Arratsaldean gure lokal berdinean ensaiatzen duten Orkresta taldea aritu zen. Hauek bukatzean, baterijolea uzten digun taldeak, Itziarren Semeak , beraien ska eta martxarekin giroa alaitzen hasi ziren. Ondoren, gure pankarta gorria eskegi, eta gure kontzertuari ekin genion. Eta azkenik, bukatzeko Bilbomatiks lagunak beraien ska, reggae eta era guztietako jamaikar doinuekin gauari amaiera eman zioten. Amaiera esan dut? ez! Dena batu ondoren, jaia gaztetxean jarraitu zuen goizalderarte. Zorionak Olabeagako gazte asanblada!!!

SAN TELMUAK!!!

2009-04-23T17:52:00.005+02:00

Larunbat honetan, Neguritarrak Zumaiako San Telmoak ospatzera gerturatuko gara. Sakabanaketak 20 urte bete dituen honetan, gero eta garrantzitsuagoa da Preso Politikoen kolektiboaren eskubideak errespetatuarazi ditzazten egunero, edozein esparrutan izanda ere, eskubide hoiek aldarrikatzea. Horregatik, Larunbat hontan, Impekables taldearekin batera, Zumaiako Amnistia Egunean parte hartuko dugu.

Hator, Hator mutil ta neska ETXERA!

ZORIONAK TXORIMALO!!!

2009-04-15T10:05:00.006+02:00

Asteburu honetan, Algortako TXORIMALO gaztetxeak bere hirugarren urteurrena ospatzen du. Aste osoan zehar eta zapaturarte, ekintza ezberdinak antolatu dituzte.

Asteartean:

19:00retan Hasierako Ekitaldia. Txupinazoa, aurrezku traka, bertsolariak, bideoak,...

Asteazkena:

17:00etan Agrolinpiadak.

20:00retan PLAZAOLA monologista.

Osteguna: Herriaren Eguna

Umeentzako puzgarriak, tailerrak,...

18:00retan koblakari

20:00retan Laburmetrai gaua.

Ostirala:

19:00retan MANIFESTAJAIA Herri Okupazioa.

21:30etan Antzerkia
FOLK JAIALDIA

Larunbata:

11:00-13:00 III. Tortila Txapelketa.

13:30etan Artzai-Txakur erakusketa

15:30etan Herri Bazkaria.

19:00etan Kontzertua:
ETSI GABE

BILBOMATIKS

eta

NEGURI GORRIAK

eta ondoren...

DJ BULLekin gaupasa.

Beraz, bertan ikusiko dugu elkar...

ZORIONAK TXORIMALO!!!

NEGURI KORRIKAN!!!

2009-04-03T11:58:00.004+02:00

Gaur Uribe Kostatik (Neguritik ere) pasako da korrika. Ez pentsa Neguri Gorriak taldekoak Negurin hartuko dugunik lekukoa, ezta hori denik artikulo honen helburua. Uribe Kostatik Bilbora joango da tipi-tapa Korrika. Bertan auzo ezberdinetatik pasako da, eta hau ospatzeko, Neguri Gorriak, gaueko 22.00etan inguru Santutxuko Karmelo kalean zuzenean jotzen arituko gara.
NEGURI GORRIAK ere, KORRIKARI, euskaraz bizi nahi dutenei...
ONGI ETORRI!!!

Fermin Muguruza Negurin

2009-03-31T00:44:00.004+02:00

Fermin Muguruzari gutaz galdetu zioten "la Factoria del Ritmo"n:

Tu música ha dejado una profunda huella y una prueba es que ha surgido un grupo de versiones de Negu Gorriak... se llama Neguri Gorriak y está formado por músicos de varias formaciones, entre ellas una de nombre genial: Feos pero Majos. ¿Has tenido oportunidad de escucharles? ¿Seguramente será un shock para ellos el día que te vean entre el público en una de sus actuaciones?

No hay cosa que más me enorgullezca que escuchar una versión mía a cualquier banda, sea del estilo que sea, me guste o no como la revisiten. Pero lo de los grupos tributo lo he visto siempre como una fiesta de disfraces, que para los carnavales está bien, pero fuera de ahí, carne para nostálgicos conservadores. Y encima si se trata de Negu Gorriak, creo que para hacer un día un acto, como el que hicieron en las fiestas de Bilbo, genial, pero si se convierten en un grupo tributo al estilo del que tienen, por ponerte un ejemplo, los U2, u otras bandas de dinosaurios, creo que no puede haber nada más lejano al homenaje o reivindicación de Negu Gorriak, que un grupo descontextualizado haciendo sus versiones.

URDUÑAKO GAZTE EGUNA

2009-03-27T21:55:00.003+01:00

Urduñako Gazte Asanbladak antolatuta, larunbat honetan, Urduñako 11. gazte egunean parte hartuko dugu. Egun osoan zehar ekintza ezberdinak antolatu dituzte goizeko 12etan hasita. Gu ere, hortik ibiliko gara egunean zehar, ekimen ezberdinetan al dugun eran parte hartzen.
Gauean, gure baterijolearen beste taldea ere taularatuko da gurekin batera, ITZIARREN SEMEAK. Hauen aurretik Skovers taldea arituko da, eta kontzertuari bukaera emateko FTF Folk Brigada alaituko du gaua.
ETOR ZAITEZTE!!!
HERRI BAT, GAZTETXE BAT!

BIZI GARA!!!

2009-03-26T12:11:00.003+01:00

Ez pentsa mapatik desagertu garenik. Kantu berriak prestatzen egon gara gure errepertoriorako eta genituenak hobetzen saiatu gara. Esan daiteke gaur egun taldea inoiz baino sendoago dagoela taulagainean aritzeko.
Azken aste hauetan bi kontzertu egin ditugu.
Alde batetik, Beñat Barrondo, Ugaoko preso politikoaren Ongi Etorrian aritu ginen Pikadura taldearekin batera Ugaoko frontoian.
Oso kontzertu unkigarria izan zen, batez ere, gutako batzuek Beñat lagun dugulako. Berriz ere gure artean egoteak eta lehenengo lerroan gurekin abesten ikusteak erabat poztu gintuen.
ONGI ETORRI BEÑAT!

Eman dugun azken kontzertua PSILOCIBE aretoan izan da, Hondarribin. Luz de Putas taldearekin aritu ginen Hondarribiko areto larrosan. Bertan, norbaitek bideo batzuk grabatu zizkigun, hemen (1) (2) (3) klikatu ezkero ikusi ahal dituzuenak.

TXARRASKA AURRERA!!!

2009-02-02T02:40:00.004+01:00

Urtarrilaren 24ean Basauriko gaztetxearen desalojoaren kontrako manifestaldian jotzen aritu ginen kamioi baten gainean. Hemen klikatuz ikus ditzazkezue egun horretako bideo bi:
Lehenengo bideoa
Bigarren bideoa

Eskerrik asko Txarraskako peña guztiari eta manira urbildu zineten guztiei. Eutsi Goiari!!!

BARAKALDOKO KONTZERTUA BERTAN BEHERA

2009-01-23T16:18:00.004+01:00

Gaur San Bizenteko jaietan (Barakaldon) eman behar genuen kontzertua bertan behera geratu da, metereologi zerbituzek iragarritako haize indartsuen ondorioz "Gizarte Babeserako Zerbitzua"ren gomendioz.

Beraz, beste baten izan beharko da. Hala ere, gure nahia da gaur kontzertu bat ematea eta horretan gabiltza, alternatibak bilatzen.

Barakaldon beste leku bat bilatzeko esan diogu antolakuntzari baina ezin izan dute ezer aurkitu. Beraz, beste batetan izan beharko da.

URTE BERRI ON!!!

2009-01-09T18:50:00.003+01:00

Bueltatu gara gure mundu birtual honetara, eta gurekin ere bueltatu da Negu Gorria, bai Negurira zein Euskal Herriko txoko guztietara.
Astintzen ari gaituen hotz olatu bortitza baretzeko eta urtea ondo hasteko, hilabete honetan hiru kontzertu beharrean lau egitea pentsatu genuen, eta azkenean, bostgarren bat ere egitera behartuta sentitu gara, gure herrietako kaleak berotzeko asmoaz.
Asteburu hontan, larunbatean, Gasteizko Gaztetxean arituko gara Musikberbena taldearekin batera, Gazte Eguneko egitarauaren barnean.
Datorren astean, hilaren 17an, Antiguoko Jaietako egitarauaren barruan, Delorean taldearekin batera arituko gara Donostiko auzoan.
Hurrengo kontzertua, Barakaldoko San Bixenteko jaietan eskeiniko dugu, Disturbio taldearekin batera. Honen ostean hilabeteko azken kontzertua eman behar genuen arren, Basauriko Gaztetxeko lagunen deia jaso genuen. Loly de Juana PSOEko alkatesak gaztetxea desalojatu nahi du. Horretarako, hilaren 24an egingo den manifestazioan parte hartzeko deia luzatu ziguten eta bertan egotea erabaki dugu, manian zehar, kamioi baten gainean kantu batzuk joz.
Hilabetea bukatzeko, Leitzan izango gara.

ADI EGON SEINALEARI!!!

SANTO TOMAS!!!

2008-12-23T20:36:00.003+01:00

Asteburu sutsua izan dugu. Ostiralean Ondarruko gaztetxean aritu ginen, Gabonetako programazioaren barnean antolaturiko ekimenetan.

Larunbatean berriz, Santo Tomas jaia egun bat aurreratu egin genuen bizkaitarrok eta Bilboko Konpartsak deituta, San Nikolas eleizaren parean ezarritako kamioi-eskenatokian aritu ginen.
Klikatu HEMEN kontzertuaren bideotxo bat ikusi nahi baduzu.

Oraingoz, 2008ari bukaera eman diogu kontzertuei dagokionez, eta urte berri on bat opatzea besterik ez zaigu geratzen.
Urtarrilean kontzertu gehiagorekin bueltatuko gara, beraz, ADI EGON SEINALEARI!!!

2008-12-09T22:34:00.003+01:00

Larunbat honetan Urretxu Zumarragako Txosna batzordeak antolatuta (Gazteleku, KKinzona, AHTrik ez! eta Segi)...
SANTA GUTXI 2008!!!

17:00etatik aurrera Bartzelonako TXARANGA PUNKia kaleetan zehar giroa alaitzen arituko da eta gaueko 22:00etatik aurrera...
NEGURI GORRIAK eta TRIKIZIO!!!

Anima zaitezte!!!

Arberoako ikastolaren irekiera jaia!

2008-11-25T09:59:00.006+01:00

Larunbat honetan, Baxe Nafarroako Donamartiri herrira goaz, Arberoako ikastolaren irekitze ofizialean gure aportazio xumea egitera. Hauxe duzue gonbidapena:

"Ikastolaren sartzea ongi iragan ondotik, horren ospatzeko garaia heldu zauku!
Heldu den azaroaren 29an, Donamartirin, Arberoako Ikastolako estrenaldira gomitatzen zaituztegu, ikastolako burrasoek eta Seaskak.

Hori hasiko da goizeko 9etatik, ikastolaren bisitarekin. Nahi baduzue egoitza berria bisitatu, eskola-proiektua ezagutu, gurekin solas bat eta kafe bat partekatu, ongi etorriak zirezte.

Eguerditan, ekitaldi ofiziala iraganen da. Mintzaldiak, bertsulariak, eta aperitifa present izanen diren guzientzat.

Eguerdiko oren batetan, bazkari on bat proposatua zaizue (entsalada - marmitako - gasna - bixkotxa - kafea - ondokoa / 15€) Bil Etxea gelan, animazio ugarirekin. Aldiz, izenak eman behar dira azaroaren 21a aitzin!!! (arberoako_ikastola@hotmail.com-era idatziz edo 06 22 29 47 87 deituz)

Pesta segituko dugularik gauez ere (kontzertu, dantzaldi, talo eta beste)

Zatozte denak proiektu eder honen gauzatzearen ospatzera!!!"

http://arberoaikastola.canalblog.com/archives/arberoako_ikastola/index.html
http://arberoaikastola.canalblog.com/archives/arberoako_ikastola/index.html

Bestalde, bueltan, gutako batzuk Oreretako Landare Herriko Tabernaren 25. urtemugan arituko gara, Delirium Tremens taldeko Andonirekin, Latzeneko Aitorrekin, Ken7ko Eñautekin, Iñigo Txapelpunk, Auo Etsaiak,...eta beste musikari batzuekin batera.

ZOLLOKO SAN MARTIÑAK!!!

2008-11-11T23:55:00.005+01:00

Asteburu honetan etxetik gertu arituko gara. ZOLLOn, Ugao eta Arrankudiaga ondoko herrixkako frontoian, gure raketak dantzan jarriko ditugu.

Txerri orori bere Sanmartiña heltzen zaiolako, gure inguruan dauden txerri guztiei zainak moztuko dizkiegu. Ez dira libratuko gure pilotakadetaz gutaz gaizki esaka dauzen lumadun txakurrak; ez dira libratuko ere, komisaldegietan torturatzen gaituzten zipaioek ere. Pilotez erasotzen gaituztenei, pilotez erantzungo diegulako; Zaziepaile guztiak ere, raketaz kolpatuko ditugu, beraien mazak ez gaituelako azpian harrapatuko; Espekulatzaile zikinei, ez diegu oraingoan ezer egingo...badakigu nahikoa dutela beraien hipotekak ordaintzearekin. Nori salduko diote orain hain merke erosi eta hain garesti saldu nahi zuten etxea???

Raketak dantzan jarri dira. Seinaleari itxoitea besterik ez zaigu geratzen. Hiri gerrilaren dantza dantzatuko dugu larunbatean...Etor zaitezte!!!

Putzuzuloko kronika...3 + ?

2008-11-11T23:16:00.007+01:00

Zoragarria izan zen Zarauzko kontzertua. Eskerrik asko han bildu zineten guztioi eta batez ere, Hodei eta bera laguntzen ibili zirenei, kontzertua posible egitearren.

Ez dugu ahaztu nahi taldea haundiago egiten duen gure haize sekzioa; oraingo honetan Jon Ander gaixorik egon zen eta Julenek eta Itziarrek ederki, bakarrik aurre egin zioten kontzertuari.
Zorionez Jon Ander badago sendatuta eta hurrengo kontzertuan berriz ere gure artean egotea espero dugu.

Olatzek, gure bertsolari kuttunak, lehen bertsotik publikoa sartu zuen poltsikoan, eta Garaziak, gure Garaziak, inoiz baino hobeto eta gusturago aritu ziren taulagainean.

Bide batez, eskertzea berriz ere NG brigadei (Gaizka, Peloto) egindako lanagatik eta kontzertu honetara urbildu ziren lagunei: Peio, Zuriñe, Gorkaren lagunak eta beraien txakurrak...

ESKERRIK ASKO PUTZUZULO!!!
ZORIONAK PUTZUZULO!!!

PUTZUZULO 3 URTE + ?

2008-11-05T22:54:00.005+01:00

PUTZUZULO AMETS FABRIKAK 3 URTE BETE DITU!!!
Horregatik iragan ostegunetik eta Azaroaren 16rarte oso egitarau berezia prestatu dute.
Egitarau osoa ikusi nahi baduzue, hemen klikatuz egin dezakezue.
Bertan ikusiko duzuenez, larunbat honetan INFUSIO talde Zarauztarrarekin arituko gara Putzuzuloko eskenatoki gainean. Gaueko 10etatik aurrera Sustraiak, Rock, Rap eta Raggae doinuak entzuteko aukera paregabe izango duzue. Ez galdu aukera!!!

INDEPENDENTZIA EGUNA!

2008-10-26T12:42:00.003+01:00

Urriak 25ean, Hernanin ospatu zen INDEPENDENTZIA EGUNEAN egon ginen taldekide batzuk eta Neguri Gorriak Brigadetako zenbait kide. (Zorionak Sokatira Txapelketa irabazi zenutenoi).
Grande Marlaska Entzutegi Nazional faxistako epaileak gazte eguneko ekitaldi politikoa debekatu zuen. Arratsaldeko 20:00retan manifestaldi bat burutu zen Hernaniko kaleetan zehar. Pankartarik gabe ari ginen bidea egiten, besteak beste, «ez gaituzue geldituko» eta «independentzia» oihukatuz. Tilosetara iristen ari ginela -han zen amaitzekoa kalejira- debekatutako ekitaldi politikoa galarazteko Txantxilako karpan zeuden zazpi furgonetetako ertzainak jaitsi, eta bertan geunden ehundaka gazteren kontra oldartu ziren, gomazko pilotak jaurtiz. Batera eta bestera sakabanatu ginen. Handik aurrera etengabeak izan ziren poliziaren oldarraldiak. Hainbat barrikada jarri ziren han eta hemen.

Hala ere, txakurrak alde egin zutenean kontzertua normaltasunez (baina atzerapenarekin) aurrera eraman ahal izan zen.
Betagarri, Ken7, Anestesia, (bitartean DJ Bull bazegoen ondoko karpan gorputzak astintzen), Neguri Gorriak eta amaitzeko Amaiur.

Kontzertu berezia burutu genuen: Haize sekzioa (Itziar, Julen eta Jon Ander, Neguritar berriak), Kloratita taldeko Iraitz (Do The Right Thing!), Grafiteroak, Hankapaluak, Bideokliparen aurkezpena (Lan bikaina Gaizka!), Kamiseta berriak, Eskenatokia inbaditu zuten gizaki ezatseginak,...
Eskerrik asko Peloto, Gaizka, Ekaitz, Lentejo eta guztia aurrera ateratzeko lagundu zenuten guztiei.
Eskerrik asko hurbildu zineten guztiei ere!

Lerro hauek erabili nahi ditugu Balzaren txakur faxisten bortizkeri zentsugabea zalatzeko.
Bakeaz irakaspenak eman nahi dizkigutenak, bortizkeriaz jokatzen dute euskal gazteriaren aurka. Ezin zain duzue. Ezin izango duzue...

Bide batez, atzo, Hernanin, duintasunez eta neurriz erantzuteko kemena izan zuten gazte guztiak zoriondu nahi ditugu. Izar berri bat piztera goaz, Gurea da Garaipena!!!

Neguri Gorriak taldeak joko du Maritxu Kajoin, txosnagunean

2008-10-02T11:17:00.007+02:00

MondraBerri.com web orritik hartutako artikulua:

Talde berri honek talde mitikoaren abestiak jotzen ditu. Abuztuan publikoz bete zuen Bilboko 7 Katu Gaztetxea. Arrasaten gaueko 12:00etan joko dute.

Feos pero majos, Orkresta, Oliba Gorriak eta Bizkaiko Gaiteroak proiektuetatik datoz Neguri Gorriko mutilak. Euren helburua da talde mitikoaren abestiak berreskuratzea eta taularatzea.

Horixe egin zuten abuztuaren 20an, Bilboko 7 Katu Gaztetxean. Etxe okupatua txiki geratu zen, jende pilo bat joan zelako proiektu berria ikus-entzuteko. Taldeak abesti mitikoak eskaini zituen: “Bi doberman beltz”, “Gora herria”, “Itxoiten”,… eta kontzertu beroaren ostean, publikoak “beste bat! beste bat!” eskatu zuen.

Bitxikeri bezala aipatu behar da Neguri Gorriko mutilak eszenatokira igotzen direla banda mitikoaren abizen, ezizen eta itxura berdinarekin: Eriz Muguruza biserarekin, Unai Bap! pastazko betaurrekoekin, Gorka Arkarazo, Gamix Anestesia txima luzeekin eta Gorka Muguruza.

Arrasateko kontzertua gaueko 23:00etan hasiko da, Maritxu Kajoi gauean, Monterron kanpoko zelaian. Urriaren 11n Atarrabian (Nafarroa) arituko dira bertako txosnetan.

http://www.mondraberri.com/mondraberri/contenidos.item.action?id=2577247&menuId=7014731&onlypath=true

Eskenatokian egoteko grina asetzeko aitzakia: Neguri Gorriak

2008-09-29T09:34:00.002+02:00

Ezkenatokian egoteko grina asetzeko aitzakia Neguri GorriakBerton, Santutxuko aldizkarian egindako artikulua

2001eko. otsailean Negu Gorriak taldeak itzali egin zituen musika tresnak, aurtengo udan, abuztuan, Bilboko Aste Nagusian Neguri Gorriak talde berriak piztu egin ditu bereak.

Ezkenatokian egoteko grina asetzeko aitzakia Neguri Gorriak

Hamaika musika modu jotzeko gai diren bederatzi gaztek Negu Gorriaken omenezko taldea sortu dute: Neguri Gorriak. Talde horren oroitzapenean oraindik iltzatuta dago Anoetako belodromoan Negu Gorriak emaniko azken kontzertua, izan ere azken horien jarraitzaile amorratuak dira. Horrela sortu zen tributu taldea sortzearen ideia. Bi mahatsorri daude taldean Unai baterian eta Jon baxuan eurekin batera Eriz eta Gorka gitarra jotzen, Igon trikitixarekin eta ahotsa Gorka, koruetan Garazi bi daude.

Ustelkeria kantuarengatik Galindok Negu Gorriak taldearen aurka jarritako auziaren behin-betiko itxiera ospatzeko Baionan eta Donostian eskainitako kontzertuetan eman zuen agurra taldeak, 2001eko otsailean, Gurea da garaipena oihukatuz. Horrela aurkeztu dira Neguri Gorrikoak. Bilboko Aste Nagusia baino lehen Zazpi Kaleetan baziren kartelak ‘Gurea da garaipena’ aldarrikatzen zutenak, Neguri Gorrikoen aurkezpena zen. Ikusmira piztu zuen kontzertuak eta 7 katu gaztetxea leporaino bete zen. Gaztetxearen okupazio berria ospatzekoa bazen ere ikusmira handia zegoen Neguri Gorriak taldeak egingo zuena entzuteko. ‘Espektatiba handia sortu zuen kontzertuak eta azkenean jendez bete zen aretoa, izerdia barra-barra bota arren esperientzia polita izan zen guretzat,’ esan digute taldekoek.

Lehenengo kontzertu hura oso berezia izan zen taldekideentzat, ondo prestatua eta gazteek Solokoetxeko eskaileratan dagoen lokala berriz okupatu izana aldarrikatzeko bidea.

Negu Gorriak taldearen uzta handia izan da, talde erreferentziala Euskal Herrian musika ulertzeko eta bizitzeko moduan; modernoa, irekia, partehartzailea, ausarta... ez bakarrik bertan baita nazioartean ere, gure mugetatik kanpo. Eta ez taldeentzat bakarrik baita zaleentzat ere, bestea bezain garrantzitsua dena. Honek ez ditu Neguri Gorrikoak beldurtu animatu baizik, nazioa artean ohikoa da tributu taldeak egitea eta talde berri horiek arrakasta lortzea. ‘Hemengo talde askok talde ezagunen bertsioak egiten dituzte, baina agian ez gaude ohituta talde bakar baten kantu guztiak jotzen dituen taldea ikustera,’ kontatu digu Neguri Gorriak-eko Gorkak. Taldea osatzen duten kideak aspaldi dabiltza musika munduan murgilduta eta egun beste talde batzutan ere jotzen dute; Krasis, Amaiur, Feos Pero Majos, Bizkaiko Gaiteroak, Versen, Orkestra, Oliba Gorriak… Taldekide bakoitza musika estilo eta leku batetik dator… hala ere inor ez da Negurikoa!

Humorea

Ezagutzera emateko orduan irudiaz baliatu dira. Izena argi zuten hasieratik, Negu Gorriak gogora ekartzen baitu. Getxoko Neguri auzoak (tradizioz Bizkaiko oligarkiaren bizileku) ordezkatu du Negu hitza eta aizkorak padel erraketa bihurtu dituzte irudia lantzeko orduan. Humorea abiapuntua izan da, baina musikari dagokionez zintzo eta serio ibili dira. Neguri auzoarekin ez dute konexiorik baina datorren hilabetean bertan kontzertua ematekoak dira Koska irrati berrituaren alde.

Orain arte kontzertu bakarra eman dute baina internet bidez segituan zabaldu da albistea. ‘Negu Gorriak web ez ofizialean albistea eman zuten, gainera kontzertura etorri eta artikulu guapoa idatzi zuten kontzertuaren inguruan,’ azaldu digute. Bloga eta Myspacen beraien orria dute eta horren bitartez ezagutzera eman dira. Guztien jarrera baikorra izan da, baita jatorrizko Negu Gorriak taldeko partaide batzuena ere.

Zuzeneko bakarra eman duten arren errepertorio zabala prestatu dute. Taldekide guztien artean errepertorioa adosteko komeriak izan dituzte, azkenik hogeita bost kantu prestatu dituzte, nahiz eta aurrerantzean haize atala ere gehituko duten, ska eta reggea estiloko kantuak ondo jotzeko.

Eskenatokian egoteko grina asetzeko aitzakia izan da, Euskal Herrian zer esan handia eman zuen taldea izan baita Negu Gorriak eta zulo handia utzi duena. Gazte hauen ustetan gaur egun ahaztuta dagoela ematen du, horregatik jarraitzaile sutsu hauek omenezko taldea egin dute. Neguri Gorriak ikustera hurbilduko diren gazte mordoak ez du inoiz Negu Gorriak zuzenean ikusteko aukera izan, Negu Gorriaken esentziara hurbiltzen den zerbait ikusteko aukera paregabea izango dute orain.

Etorkizuna

Taldekideen artean erabaki behar dute, musikari bakoitzaren jatorrizko taldeek asteburu oro kontzertuak ematen dituzte, beraz, oso lanpetuta ibiltzen dira. Ondo pasatzeko eta gozatzeko jaiotako proiektua izan da eta etorkizunean ere horrela izaten jarraitzea nahi dute. Ez dute astebururoko kontzertu dinamikan sartu nahi.

Oraindik Neguri Gorrikoak zuzenean ikusteko hiru aukera ditugu urriak 3 Arrasaten Maritxu Kajoi festan, urriak 11 Atarrabian eta Hernanin independentzia egunean.

Egun bete ekimen iruzurrari aurre egiteko!

2008-09-27T11:25:00.006+02:00

Datorren Urriaren 25ean, goizetik hasi eta hurrengo goiz arte ekimen eta giro ederra egongo da Hernanin. 12tan txupinazoa eta harrera ekitaldiarekin emango diogu hasiera Independentzia egunari, ondoren egun osoan zehar trikitia, bertsoak, zapanzarrak.... ibiliko dira Hernaniko kaleak girotzen. Sagardotegi erraldoia 14:00tan hasiko da eta honen ostean SOKATIRA FINALA egingo dugu. Ondoren "Etorkizuna Independentzia" aldarrikatuz kalejira egingo dugu ekitaldi politikoa egingo den karparaino. KONTZERTUEKIN emango diogu amaiera egunari.

Hau izango da egun osoko egitaraua:

11:00etatik aurrera Herriko txistulari, trikitilari eta albokariak ibiliko dira kalean. Laudioko zanpantzarrak ere bertan izango dira.

12:00tan TXUPINAZOA eta Independentzia egunaren hasiera

Ondoren Kale animazioa eta bertso poteoa

14:00etan SAGARDOTEGIA. Menua: Sagardoa, tortillak eta haragia. Barazkijaleentzat menu berezia ere izango da

Bazkalostean Independentziaren aldeko SOKATIRA txapelketako FINALA

19:00etan Etorkizuna Independentzia! KALEJIRA

20:00etan EKITALDI POLITIKOA Txantxillako karpa handian

22:00etatik aurrera MUSIKA PROTAGONISTA:
- BETAGARRI (info+)
- ANESTESIA (info+)
- DJ BULL (info+) (3:00ak arte Txantxillako karpa txikian)
- KEN 7 (info+)
- NEGURI GORRIAK (info+)
- AMAIUR (info+)

Info gehiago:
http://www.independentziaeguna.net/

NEGURI GORRIAK, NEGU GORRIAK TALDEARI TRIBUTOA

2008-09-19T15:04:00.001+02:00

Entzun aldizkari birtualetik ateratako artikulua:

Ez ditugu zuzenean ikusi baina oso dibertigarriak iruditu zaizkigu. Haien myspacera iritsi eta hara!, gutxienez irribarrea eragin digute. Neguri Gorriak taldeaz mintzo gara, Muguruzatarren, Arkarazotarren, Abregotarren eta Anestesiatarren taldeari tributo banda. Aizkoren ordez tenis raketa bi paratu dituzte logoan. Orain, ATP zirkuituan dabiltza haien set-ak eskainiz.

Sorpresa atsegina hartu dugu Neguri Gorriak taldea ezagutu dugunean. Zuzenean nola moldatuko diren ideiarik ez dugu, baina erakusten duten umorea bikaina iruditu zaigu. Diseinu grafiko landu eta erakargarri batekin laguntzen dute taldearen iruditeria. Aizkoren ordez raketak jarri dituzte haien logotipoan eta kartel dibertigarriak egin dituzte.
Egitasmo honen atzean Krasis, Amaiur, Feos pero Majos, Versen, Bizkaiko Gaiteroak edota Oliba Gorriak taldeetan bilitako jendea dago.

Neguri Gorriak-en hurrengo kontzertuak

* Urriak 3, 23:00. Maritxu kajoi, Arrasate (Gipuzkoa)
* Urriak 11, 23:00. Atarrabiako txosnak, Atarrabia (Nafarroa)

http://www.entzun.com/noticias_view.php?uuid=1893

Jada ez nau ezerk harritzen

2008-09-03T10:55:00.003+02:00

Patxi Gaztelumendik bere blogean argitaratutako artikulua:

Negu Gorriak taldea gustuko zenuen? Urteak dira eskenatoki gaineko kontuak albo batera utzi zituztela. Negugorriak.net gunean guztia batuta badago ere, oraindik harritzeko gaitasuna ez zaigu amaitu. Neguri gorritu dute Bizkaiko musikari ero batzuk. Ez dute ba Neguri Gorriak sortu?

Bloga sortu dute eta lehen emanaldiaren ostean ez ninduke harrituko, bolo gehiago eskaintzen ibiltzea. Gazte egunean aipatu zigun zerbait Gorkak… eta begira, Bilboko jaietako albiste onenetakoa izan dela dirudi…

Bilboko jaietan, Zazpikatu gaztetxea lepo bete zuten. Garai bateko irudia datozkit orain. Nostalgia esaten zaio, ezta? Oraindik gogoan dut, zelan orain dela urte pila bat… 15 baino gehiago, Pipe jazz-en omenez Bilboko gaztetxean izandako kontzertua.
Iragarri gabeko hoietako bat izan zen, Herrerako aurkezpenaren ostean izango zen ziurrenik, Piperen urtebetetzearen karietara. Josemi lagunak eroan ninduen alde zaharreko gaztetxera, eta flipatu egin nuen gertutasun hartan. Negu Gorriak makina bat bider ikusi genuen gerora, baita Larrabetzuko gaztetxean ere 95eko sanjuan bezperan. Sua nagusitu zen orduan herrian, Lasa eta Zabalaren gorpuak agertu berritan.

Tira, Euskal Herriko musika historian hutsune handia utzi du Fermin Muguruzak gidatzen zuen taldeak, baina oroitzeko sortu dira berriak. Esandakoa, jada ez nau ezerk harritzen. GALindo ere erne ibili dadila….

http://www.larrabetzu.org/gaztelumendi/

Neguri Gorriak: mitomania geurera heldu da

2008-09-03T10:22:00.002+02:00

Irailaren 2an "Sareko Argia" aldizkari birtualean Gorka Bereziartuak argitaratutako artikulua:

Aizkorak alde batera utzi eta squasheko erraketak gurutzatu dituzte. Negua Negurira heldu da. Neguri Gorriak dira. Eurena da garaipena. Joan den abuztuaren 20an Bilboko 7 Katu gaztetxean izan zirenek badakite zertaz ari naizen. Negu Gorriak taldearen mitoa handia bazen, handiagoa izango da hemendik aurrera, beraien kantak berriro agertokira eramango dituen taldea sortu delako.

2001eko otsailaren 23, 24 eta 25ean du abiapuntua historia honek. Negu Gorriak taldearen zaletu orok gogoan izango ditu hiru egun horietan Baionan eta Donostian ikusi zituen kontzertuak. 30.000 pertsona baino gehiagok ikusi zituzten kontzertu haiek. “Nire baitan daude biak, tristura eta ilusioa, askok egun haietan izan zuten sentimendu kontrajarria. Kontzertu mundiala, baina azkena”. Askok lehenago jaio ez izana madarikatu zuten, taldea lehen eta azken aldiz ikusi zutenek batez ere.

Horregatik, Negu Gorriak berriro itzuliko ez badira ere, beraien kantak zuzenean entzuteko aukera eskaintzea beharrezko ikusi zuten musikari batzuek. Oliba Gorriak, Amaiur eta Feos Pero Majos taldeetako kideak elkartuta Neguri Gorriak sortu zuten. Jatorrizko taldekideen abizenak hartu dituzte: Unai Bap!, Eriz Muguruza, Gorka Arkarazo, Gamix Anestesia eta Gorka Muguruza. Gainera kontzertuetan Negu Gorriakeko kideak bezala jantzita ateratzen dira agertokira (baxu jolea zimekin, bateria jolea pastazko betaurreko handiekin…). Abuztuan Bilbon eskainitako emanaldian ez ziren faltatu Negu Gorriaken abesti klasikoak: Lehenbiziko bala, Bi doberman Beltz, Gora herria, Irakatsi ziguten historia, Itxoiten...

Asko dira mundu osoan tankerako zerbait egiten duten taldeak. Hor daude ACDC taldearen omenez sortutako The Bon Scott Band, Rage Against The Machine-en omenez sortutako The Enemies… Elvis eta Michael Jacksonen imitatzaileak alde batera utzi gabe noski. Baina oker ez banago, Euskal Herriko talde batekin horrelako zerbait egiten den lehenengo aldia da. Musika munduko mitomania geurera ere iritsi den seinale. Egongo da hori kritikatuko duenik; ez naiz ni izango. Nahiago nuke Hertzainak omentzeko talde bat ere sortuko balitz. Norbait animatuko al da?

http://www.argia.com/albistea.php?id=32392

NEGUGORRIAK.NET

2008-08-28T15:42:00.002+02:00

Hau da www.negugorriak.net web orrian Bilboko kontzertuari buruz ateratako artikulua:

Quien ya conozca la semana grande de Bilbao (Aste Nagusia) ya sabrá que son unas fiestas llenas de sorpresas. Este año sin duda una de ellas ha sido la que se preparo el pasado miércoles día 20 en el gaztetxe del casco viejo, Zazpi Katu, con el primer concierto de Neguri Gorriak.

Con un nombre (Neguri hace alusión al barrio emblemático de la oligarquía de Bizkaia) y una imagen gráfica impagable, (dos raquetas de de squash sustituyen a las míticas hachas) Neguri Gorriak nace con la pretesión de homenajear a Negu Gorriak. Y si medimos el ambiente y la energía que se generó entre banda y público durante los más de 20 temas que sonaron en el local ocupado, la misión estuvo más que cumplida. Esta singular banda, formada por miembros de grupos como Oliba Gorriak, Amaiur, Orkresta o Feos Pero Majos y disfrazados a tono con el rol que cada cual representaba (una gorra por aquí, unas gafas de pasta por allá…) repasaron con cabeza y corazón buena parte del repertorio habitual que la banda homenajeada ejecutaba en directo (Lehenbiziko bala, Bi doberman Beltz, Gora herria, Irakatsi ziguten historia, Itxoiten...). Fue un repaso extenso a muchos de los himnos de Negu Gorriak a lo largo de toda su discografía, también de su último disco, con un “MTV antenatik at!" antológico que la banda madre nunca llego a tocar en directo. En resumen, una noche con todos/as los/as presentes entregados/as a la tarea de recordar y vibrar con los temas míticos de una banda, 14 años después de que Negu Gorriak tocaran por última vez en Bilbao, casualidad también en fiestas de de la ciudad y no muy lejos del gaztetxe, aquella mítica noche de la Plaza del Gas de 1994.

Noche de homenaje en una semana en la que también algunos miembros de Negu Gorriak han actuado en Bilbao con sus proyectos actuales; Mikel Kazalis lo hizo con Anestesia e Iñigo Muguruza con Sagarroi.

Neguri Gorriak amenazan con repetir así que todos/as atentos a la señal del sabotaje!

GUREA DA GARAIPENA!!! (lehen kontzertuaren kronika)

2008-08-25T16:13:00.008+02:00

Kartelek hormetan ozenki oihukatzen zuten: Gurea da Garaipena! Gazteek bilbo osoa bete zuten kontzertua iragartzen zuten kartelez.
Txarteldegian, "sarrera agortuak" kartelak, kanpoan uzten zituen bertara gerturatutako asko ta asko. Beroa 7 katu gaztetxeaz jabetzen hasi zen...
Bapatean Yoen Maias atera zen agertokira. Bere atzean Gorka Arkarazo, Eriz Muguruza, Unai Bap! eta Jon Anestesia zituela.

"Agur Azkuna negozioena,
agur Azkuna, diruarena
agur Azkuna, botereduna
Txakurretan txakurrena.
Entzun gure oihu osena,
autogestioarena,
euskal gazteriarena:
Ezingo dozu, inoiz zapaldu
aske egiten gaituena.
gaur 7 katu bizirik dago
gurea da garaipena!!!"

Lehen abestiaren akordeak entzun ziren txalo zaparradaren artetik. Yoen lekua Gorka Muguruzak bete zuen eta bere atzetik Garazi Forkada eta Garazi Rubiok ahots goxoaz bete zuten eskenatokia.
Ez dut ezer esan nahi, irakatsitako historia, pistolaren mintzoa, ez dezagun sal (Arkaitz Otazuari dedikauta), bi doberman beltz, lehenbiziko bala,...Yoen Maias berriz atera zen agertokira. Hortik aurrera, radio rahim, kaixo, nire baitan daude biak, B.S.O, hitz egin...eta berriz Yoen:

"Hamarkada honetan, buru garbiketa,
triste ospatu degu sentzuen hileta.
Gizarteak egin du, kalean hilketa,
itxuran daramagu gure etiketa"

Ondoren hit gehiago etorri ziren: Hipokrisiari Stop!, itxoiten (t4ko istripuan hildako 175 pertsonei dedikauta), esan ozenki, seinalea, MTV antenatik at!...eta gonbidatu berezi bat igo zen azken kantua jotzera. Igon Tapiak, bere trikiarekin saltoka ta dantzan jarri zituen segundu gutxitan 7katuko gazte (eta ez hain gazte) izerditsuak, Gora Herria!

Agertokia hutsik geratu zen. Entzulegoak jarraian "Beste bat"ak oihukatzen hasi zen.
Bapatean polizi kotxeen argi urdin bi piztu ziren. Zipaioen matxinada!. Jarraian, Agur, hiri gerrilaren dantza eta bukatzeko...Gurea da Garaipena!!! Euskal Herriko gaztetxe eta Gazte Asanblada guztiei eskeinia.
Gaztetxe osoa saltoka, abesten...pozik taldea, pozik antolakuntza, pozik entzulegoa. Helburu beteak.

SARRERA

2008-08-25T15:43:00.006+02:00

2001eko otsailaren 23, 24 eta 25ak asko suposatu zuten Euskal Herriko musikazale askorentzat. Gurea da Garaipena oihukatzen zuen kartelak. Bi kontzertu izan behar zutenak, hiru bihurtu ziren herriak horrela eskatuta. Gora Herria! Negu Gorriak azken kontzertuak ematear zegoen, Galindo teniente koronelaren aurka izandako epaiketaren garaipena ospatzeko.

“Nire baitan daude biak” tristura eta ilusioa, askok egun haietan izan zuten sentimendu kontrajarria. Kontzertu mundiala, baina azkena. Garaipenaren aldarriaz Agur esatekoa, Adierazpen askatasunaren oihua...
Asko, gazteenak batezere, gogoz beterik geratu ziren, urte batzuk lehenago jaio ez izanaz norbere burua madarikatuz, bizitzaren B.S.O.ren zati bat aurrerantzean berriro taula gainean ikusi ezinagatik arrazoirik ezin azalduz.

“Denbora luzez Itxoiten, ateak noiz zabalduko. Seinalearen zain… baina Radio Rahimek ez zuen egun horretan irratirik piztu. Bi doberman beltz agertu ziren belodromoko ateetan, trikorniodun rockeroei sarrera galaraziz. Hitz Egin nahian, baina hunkiturik, ez zen hitzik ateratzen, sarrera puskatzen zuen tipoak Kaixo esaten zuenean “Ez dut ezer esan nahi” erantzunez.

Katu bat belodromoko teilatura igotzen hasi zen zipaioen matxinadarengandik ihesi. “Hipokrisiari Stop!” oihukatzen zien irakatsitako historiaren hiltzaileei. Pistolaren mintzoari beldurrik ez zion katua zen. Belodromo barruan, kontzertua hasi bezain pronto berarekin hiri gerrillaren dantza dantzatu genuen gau osoan zehar...

... eta urteetan zehar teilatuz teilatu ibili da, Negu Gorrian Gaztetxeetan aterpe bila. Bilboko Alde Zaharrean leku oso berezi bat ezagutu zuen: Zazpi Katu gaztetxea. Aste nagusia hastear,kontzertu berri bat iragartzen zuen kartel bat ikusi zuen gaztetxeko atarian:
Negu Gorriak, gurea da garaipena!!!”